வழி - 69
வழி - 69போரிடாமல் பெறுவது
போரின் வெற்றி வரவென்றால்
போரில் இழப்பு செலவாகுமே.
செலவுதாண்டிய வரவிங்கே இலாபமென்றால்
செலவில்லாப் போரன்றோ சிறப்பிங்கே?
நஷ்டமுடன் வெற்றியதைப் பெற்றிடவே
இஷ்டமில்லாப் போரதனைச் செய்வதேனோ?
வலியச்சென்று தாக்கிடும் படையுமிங்கே
வலியோடு உயிரிழப்பை அடைந்திடுமே.
இழப்பதனனின் வலியறிந்த வீரருமே
விழிப்புடனே போரதனைத் தவிர்ப்பாரே.
இழப்பதனைத் தவிர்த்த வீரருமே
செழிப்பாரே இதனாலே வாழ்க்கையிலே.
**********
போரின் தீமையை எடுத்துரைக்கும் மற்றுமொரு அத்தியாயம். சென்ற அத்தியாயத்தின் தொடர்ச்சியாக இதைக் காணலாம். வலியையும், இழப்பையும் நிச்சயமாகத் தரும் போரை விலக்கி வாழ்பவர், வாழ்க்கையில் செழிப்பைப் பெறுவர் என்பதை ஆசிரியர் அழகாக எடுத்துரைக்கிறார். போரிடாமல் பெறுவது என்ற கலையை கற்றுணர வேண்டும் என்பதே ஆசிரியரின் கருத்து.
0 Comments:
கருத்துரையிடுக
<< Home